हिल्सा चीनसँगको सीमा नाका क्षेत्रमा पर्ने भएकाले यहाँको सडक आवागमनका लागि महत्वपूर्ण मानिन्छ । हिमपातका कारण सडकमा हिउँ जम्दा सवारीसाधन सञ्चालनमा समस्या हुनुका साथै स्थानीयको दैनिक गतिविधिसमेत प्रभावित भएको प्रहरीले जनाएको छ ।
भारी वर्षासँगै हिमपात भइरहेकाले हुम्लाका उच्च हिमाली क्षेत्रमा चिसो बढेको छ । मौसम प्रतिकूल रहेकाले सडक तथा आवागमनमा थप समस्या आउनसक्ने अवस्था रहेको छ ।
प्रहरीले सडकको अवस्था हेरेर आवश्यक स्थानमा हिउँ हटाउने तथा आवागमन सहज बनाउने काम गरिरहेको जनाएको छ ।
जिल्ला प्रहरी कार्यालय हुम्लाले हिल्सा क्षेत्रमा हिमपातका कारण अवरुद्ध सडक खुलाउने प्रयास जारी रहेको बताएको छ ।
